今次筆者介紹的路線是香港太空館，香港政府公用地方大多設有無障礙措施，太空館亦都不是例外。太空館天象廳絕對是香港其中一個擁有最大的螢幕的地方。
如何前往？
由尖東站步行需時１０－１５分鐘。
今次筆者選用地鐵搭至尖沙咀/尖東站，然後係港鐵J出口(香港太空館)出地面。當然仲有好多路線去太空館，經我地測試其他出口，例如港鐵出口L6(梳士巴利道/1881/香港文代中心)，發現途中會有一條較長嘅斜路，而電梯出口亦可能有露宿者嘅雜物頂住。
尖沙咀站至太空館路線攻略
1/首先，先到尖沙咀站J出口。
會見到一條斜路，上完斜路之後你會發現有一部電梯直達路面。
2/電梯一出就係梳士巴利道。
過完紅綠燈就正式到達太空館
購票攻略
香港太空館定期於一樓放映與天文/大自然相關嘅電影，詳情可於官網參考。全香港只此一間，筆者比喻呢種視角享受就好似睇緊超大型VR。至於有幾正，筆者唔講咁多，留返比各位親身去欣賞。由於你係以仰望方式睇戲，所以你座位位置係好重要。例如坐得太前(座位表中A行至D行)，根本上全程要抬頭睇銀幕，所以前排價錢比較平(前排$24 vs 後排$32)。
輪椅位(選擇過凳人士)
建議選擇靠近「星象投影機」的位置。好處是較佳觀賞角度，而且方便過凳。
購票最好買K至P行，視線角度最舒適。
理想位置: L12, M13, N13, N15
(何鴻燊天象廳 M13實景圖，有足夠空間過凳)
輪椅位(非過凳人士)
官方輪椅區是H1-H4，座位就係4個空位，什麼都沒有。直接將輪椅停泊至此處並觀賞節目。
何鴻燊天象廳
何鴻燊天象廳是香港太空館放映各類天文節目既地方，設於1樓。太空館內設有升降機，可穿梭地下及1樓。
如何搶飛
7天預售，先到先得。每朝10點預售最新門票。例如14/7，早上10點可以訂20/7嘅飛。通常最靚嘅位好多人會一開賣就搶購。
訂購網址www.urbtix.hk
Reference
香港太空館網站
太空館電影訂購網址
コメント