輪椅的士—「星群的士」
坊間有好多無障礙交通工具，鑽的/易達/UBERASSIST，邊一種至係最好? 當然愈多選擇，對用家愈有利。無論價格或者質素上各供應商都要維持自己嘅競爭力。筆者未坐過無牌白牌車，始終保障至重要。筆者今次會介紹「星群的士」，2015投入服務，由忠誠(的士代理公司)帶頭。
筆者有一位相熟朋友星群司機，行內司機大部分都十分友善，更有幾位司機屢獲客人致信感謝。
星群的士實物
(轉載自http://hk.on.cc/hk/news/)
架輪椅會唔會過大架? （參閱下表）
行情
無論路程近定遠，星群都接受，收費模式請繼續向下睇。
平日日間大部分星群司機做輪椅客居多，醫院/療養院/護老院客都好多，加上平日覆診客多，所以平日相對難預約。例如覆診，你可以早1-2日預約，司機會黎指定地點接送。
夜間相對容易預約星群，大時大節除外。
服務地點:
星群現設市區的士(紅的)，新界的士(綠的)及大嶼山的士。殘疾乘客亦可在限制區上落車(如果警察查牌就要提供證明文件。
殘疾乘客在限制區上落車證明書
為方便殘疾人士出入，警方同意行使酌情權，在不會對其他道路使用者構成危險或造成重大阻礙的情況下，容許的士、私家車、私家小巴和私家巴士的司機在限制區（快速公路和 24 小時限制區除外）上落殘疾乘客。
(轉載自http://www.td.gov.hk)
星群的士優點
i/ 輪椅使用者全程不用過凳，司機會負責推輪椅上車，車上亦有2種安全裝置固定輪椅。
ii/ 容易約車，可以打電話或者用APP。車輛數目多，全港約70架。
iii/ 直接聯絡司機，安排上落位置或時間。如果用APP預約，而司機接左單，會立即顯示司機聯絡方法。
iv/ 可預約時間接送。
星群的士缺點
i/ 司機未必接晚間短途訂單。部分司機可能因路途短加上晚間預約費只是$40而不接單
ii/ 收費貴!? 相比地鐵，復康巴士等等公共運輸價格當然唔平。
iii/ 不設傷殘優惠。
星群的士收費
收費相對簡單，正常的士收費，分別在於要加預約費。不論路程遠近都有一樣預約費。
日期預約費: 06:00-20:00上車的柯打，預約費為HKD$80。總消費即總路費加預約費。
例如: 朗豪坊往伊利沙伯醫院
車資$50 +預約費$80= 總消費$130
夜期預約費: 20:01-05:59 ，預約費$40 (資料1/8/2017 最後更新)
如何預約？
星群的士預約電話: 852-37006500
星群的士預約網站 (http://www.syncab.com.hk/tc)
GOOGLE APP (http://play.google.com/store/apps/details?id=com.cstaxi.premiumtaxi.client)
APPLE APP (http://itunes.apple.com/hk/app/id1007960894)
Reference:
運輸署殘疾乘客在限制區上落車證明書
星群的士官網
Comments